La soo sngi kattu ha India, kiwa dang chait da tam biang ki ya kiwa dang yoh COVID-19 heiwa ha kini ki 24 kynta hadooh i step ka 22 tarik, kiwa dang chait da em ki palat 1 lak ngut katwa kiwa dang em ya uni u khñiang da hiar ki 27 hajar tam iwa pynhiar leh ya iwa dang em ya uni u khñiang hapoh ka 10 lak ngut katwa kiwa dang yoh ya uni u khñiang da em ki 75,083 ngut katkam ka yukheiñ ka Ministry of Health & Family Welfare.
Kiwa dang chait da em ki 1,01,468 ngut, kiwa dang em ya uni u khñiang da hiar ki da 27,438 ngut wa 1,053 ngut kiwa dang yap.
Kiwa boon dooh kiwa dang chait toh ha Maharashtra 32,007 ngut, ha Andhra Pradesh 10,502 ngut, Karnataka 9,925 ngut, Uttar Pradesh 6,320 ngut, Tamil Nadu 5,492 ngut, Odisha 3704 ngut wa ha Kerala 3022 ngut.
Na ki 18 tylli ki jylla kiwa da hiar kiwa dang em ya uni u khñiang, kiwa boon dooh toh ha Maharashtra 16,613 ngut, Andhra Pradesh 4,318 ngut, Karnataka 2,708 ngut, Uttar Pradesh 1,790 ngut wa ha Delhi 1,156 ngut.
Waroh kiwa chait hapoh ka ri da em ki 80.86% iwa ku naka 80.12% kiwa em 44,97,867 ngut; kiwa dang em ya uni u khñiang da em ki 17.54% iwa hiar naka 18.28% kiwa em 9,75,861 ngut; kiwa yap da em 1.60% kiwa em 88,935 ngut. Waroh da em 55,62,663 ngut kiwa da dep yoh COVID-19.
Kiwa chait da tam ki da 35,22,006 ngut ya kiwa dang em ya uni u khñiang iwa ku da 1,28,906 ngut nadooh ynnin ka sngi.
