Ka chnat Health & Family Welfare ka sorkar Meghalaya, ynnin ka 24 tarik da pynmih hukum biang ko yow pynthymme yaki kyndon leh Quarantine, ki Test ya ki wakreh sorkar heiyatoh u wa COVID-19, hadien wa dep wow leh yaka Quarantine wa 7 sngi kiwa man leh hiejooh i por kiwa em hei maa namo ki High Risk tangwa kiwa ym em yaki dak ki chin wa chitom (Asymptomatic).
Ki wakreh sorkar kiwa man Asymptomatic High Risk ye ki wow yaleh wow pynlait yaki hadien wa leh ki yaka Quarantine wa 7 sngi lada:
- Da Test yaki haka sngi wa nyngkong daka Rapid Antigen Test.
- Lada ka RAT pynyoo ko wa ym em yoh COVID-19, daw hap ki wow leh yaka Quarantine wa 7 sngi.
- Daw hap ki wow leh yaka RT-PCR/CBNAAT/TRUNAT ha ka sngi wa 5 lane 6.
- Ym emkaam ki wow su yaka bai Test lada leh haki thaw Test sorkar. Tangwa lada leh haki thaw Test yong ki bru samen namo ki Private Laboratories daw hap ki wow su katkam ki dor wa da booh da ka sorkar. Ye wow pynuiñ biang yaka bai Test katkam wa chah.
- Lada ka Test Report man ko Negative, ye ki wow yoh yaka Discharge Certificate wei wow pteiñ biang yaki kaam yong ki deiwa bood yaki kyndon sorkar.
- Ya ini i pynsakhiat yei man Negative ka Test Result toh u rah lang yow pynyoo wa kiwa toh u pait ya ini kut wa emkaam u pynyoo.
- Lada ka Test won pynyoo ko wa man Positive wa yoh ya uni u khñiang, daw hap ki wow leh yaka chongkset wa samen wa 10 sngi katkam ka kyndon ka No. Health.100/2020/63 dated 21.08.2020.
Ini toh katkam wa pyntip u Sampath Kumar, IAS, Commissioner & Secretary ka sorkar Meghlaya, Health & Family Welfare Department.
