Ka sorkar Meghalaya da dep pynlut ko palat T. 200 klur ha kini ki 9 bnai wow yaleh pyrchah yaka khlam COVID-19 iwa da pyntip da u montri rangbah ka jylla u Conrad Sangma uwa da ong leh wa kani ka poisa toh kawa da pyntlut nadooh wa sdang i pynkhreh yow yada ya kani ka khlam.
U Conrad uwa ksoh leh yaka chnat muna poisa ka jylla da ong u wa ini da booh ko yei yukit wa khia bha heiliang ki kaam poisa poilaiñ yaka ya sorkar wei da ye wow pteiñ yeini deiwa yoh yarap poisa.
Da ong u leh wa i kreh heiyatoh wa ini toh iwa dang pteiñ hi iwa dang hap hi wow pnylut poisa wei kattu daw hap u pait kammon u leh yow pynduna yei lut phut.
Da e nongmuna u wa da em ki jylla kiwa da phah wow su yow Test tangwa hapoh ka jylla ym em chim poisa i wei daw hap bichaar bniah ya ini neibhah em i liang toh iwa hoi tangwa em won i liang wym hoi u leh tangwa hawa kut toh u pyntikna wa u ye u yaleh pyrchah ya kani ka khlaam hei rukom wa biang dooh deiwa pynduna leh yei lutphut heijooh i por.
Da pynkut u deiwa ong wa ka yaleh man ko kawa khor bha wei i lut poisa leh da em i.
