Kam chibynta wow burom yei chakri kiwa embynta ha ka yakhun COVID-19 namo ki COVID-19 Warrior, ynne ka sngi u Lambor Malngiang, uwa man u MLA kamjooh leh u MDC ka Nongkrem Constituency uwa man leh u Chairman ka State Planning Board, da pynkup burom u ya ki ASHA wa ki Aganwadi ki wakreh hapoh ka Constituency ha ka yalang wa man ha Salem Secondary School, Laitkor.
Ha waroh d a pynkup burom hadooh 63 ngut ki ASHA wa ki 80 ngut ki Aganwadi deiwa e ya ki ya ki Memento wa ka song poisa wa T. 3000 wa T 2000.
Neiliang u Lambor Malngiang da e yaroh u ya ki ASHA wa Aganwadi wa da chakri hok ki yei kaamram yong ki hapyrdi ka khlam wow yarap ya ki bru liang wanang wei ini i chakri yong ki da yarap bha i ya ka sorkar.
Ha kani ka sngi da pynkup burom leh ya u Banjoblang Lyngdoh Mawlong, uwa da kreh yei kaamram yong oo khlem sangeh la 5 bnai kattu ha Smit Quarantine Centre.
Da e leh ya ka bui (Report) ha kani ka sngi hajrong ki kaam u Lambor nadoh wa sdang ka khlam COVID-19, kiwi kiwa da klam ha kani ka sngi toh u Block Development Officer ka Mylliem C&RD Block, u Peter T Passah, u Block Development Officer ka Mawryngkneng C&RD Block wa u Ronnie Wahlang wa ka Additional DHMO, ka Dr. Mrs A Lyngdoh.
