Kiwa khlaad na i chlai um wa i oor khyndaw hapoh ka jylla da poi ki cha ka 18 ngut na i joor u slap ha kani ka tayaw wa da dep katkam wa pyntip u Executive Director ka State Disaster Management Authority u I Mawlong wei dang em leh sa 4 ngut kiwa dang thooh kiwa ym pu em chem.
Da pyntip leh ya i metyap wa ngam um ha Wah Umbah Tyrkhang, Sohiong ynnin ka sngi da chem ynne ka sngi.
Kam wow pynkynmoo wa ka sorkar jylla dang dep pynbna ko T. 4 lak cha kiwa khlaad na ki bor ka rymaw.
Ha i jia ha Lower Lumparing iwa da em i oor khyndaw, da ye wow sai yaki metyap yong ki 4 ngut naki 5 ngut wa kynthup leh yaki 2 ngut kiwa yaleh Cricket heiwa kawi na ki da chem toh kawa em ya u khñiang COVID-19, kamtæ da hap wow pynsangeh chwa yei thooh yaki metyap.
Heiyatoh won wa i jia ha Wahumkhrah, ki SDRF da chem ki yei metyap yong uwa chah rah haka um najan ka Umiam.
