Shillong: Neidaw wa em kiwa yoh COVID-19 kamjooh wa em kiwa em hei maa wow yoh ya uni u khñiang ha i yung ka (L) Minati Chakraborty, Laban Last Stop, hajan Purbasha Guest House, ha i yung Flat B 2, Sutnga Apartment, Streamlet Road, Laban, ha i yung u R Paul (uwa chong wai) ha i thaw u (L) K. Majaw, Madan Laban (Rum), ha i yung u Raymond J Nongrum, Child Friendly School, Lawsohtun Block 5, ha i thaw ka Iakmenlang Khyriem waka Sngewbhalang Khyriem (wa kynthup ya kiwa chong wai) ha Nongkhyriem Block-4, Nongthymmai, Shillong, i yung ka Siantimon Diengdoh ha Lawjynriew Lumkut wa ha i yung u Sawan Singh Raso, Sweeper Colony, Mawlonghat, da emkaam wow leh yei booddien ya kiwa em hei maa, ki Test wei wow khangkset yow yada yaki paidbah nei poor uni u khñiang.
Kamtæ ka District Magistrate, East Khasi Hills District da pynmih hukum ko ynne ka 30 tarik yow pynbna ya kini ki yung haneiñ yow man ki kam ki Micro Containment Area nadooh ynne ka sngi yow khang yei psiah i mih wa khlem yoh bor cha wa na kini ki thaw.
Ha kiwi won ki hukum, hadien wa da dep wow leh yeiwa emkaam wei da yoh leh yaki Report, ka District Magistrate ka East Khasi Hills da pyndam ko yaka hukum pynman Containment Area chisyndon ya i Suleiman Compound ha Lumdiengjri wa i yung ka Roipar Khongain ha Lower Mawprem.
Katwa ya i yung u Roshan Ali, Altaf Hussain, Asmad Alam, Zalim Alam wa kiwi ki thaw wa pynmih hukum haka 23 tarik u pteiñ hi ki wow man kam ki Micro Containment Area.
