Ynne ka sngi kawi na ki seiñ saiñ hima, ka Lok Janshakti Party (LJP) Meghalaya State lyngba u Chief General Secretary ka Party, u DK Gupta da pyntip u wa da thung ya ka Verna B Lapasam wow man ko kam ka State Secretary ka Party.
Da pyntip u wa nadooh ynne ka sngi ka Verna u man ko kam ka State Secretary wow pait ya ka Ri-loom Jaiñtia (East wa West Jaiñtia Hills District).
Neiliang u Wyrta, hawa yaklam wa ka Verna, da ong ko wa ka thong wa haphrang dooh toh wow kyntu kynrong ya ka imlang sahlang khamtam ki bru kiwa duna hei yoh i la deiwa kreh katkam ki kyndon ka riti synchaar ka ri wow im salonsar ki bru i jooh donhi.
Ka Verna da embynta ko wa ka LJP kattu la kamwa 5 snem wei da yooluti ko leh wa ki kaam ka seiñ u thai ki rap joor bar ya ki kyntien wa klam donhi.
