Ka KSU-Nangbah Unit, ynnin ka sngi hapoh i yahkhmat u President yong ka u Morningstar Pasi deiwa synran u President ka KSU Jaiñtia Hills District Unit u Ohibait Dkhar wa ki kattu katni ngut ki dkhot da lai yachem ki wa u District Transport Officer (DTO), West Jaiñtia Hills District ha Jowai hajrong i ood yong ki manbei wa da syad palat ka bai kari neibynta ki khynnah skur wa College.
Neiliang u DTO da kular u wow chimkhia hajrong ini.
Ynne ka sngi won, ka Khasi Students Union Nangbah Unit, da lai e mynsien ko deiwa e yarap da ki tin yung cha kawi ka manyung kawa da chah ktah hei bor ka rymaw ha kini ki sngi wa da dep.
Ka seiñ da ong ko wa ym chong klikti ko wow e yarap cha waroh kitu ki yung kiwa chah ktah ha kini ki sngi wa da dep neibynta i bha i miat ha ka chnong ka thaw næ ka jaitbru hi waroh kawi.
Ka kyrwoh lyngba u Publicity Secretary KSU Nangbah Unit, u Seminar Thubru.
