Jowai : Kamwa pynman ynnin u snem ya ka Independence Day Cup U-16 wa nyngkong kam chi bynta wow lehkamen ya ka sngi laitlooid ka ri, ha uni u snem leh ynne ka sngi da sdang ya ka 2nd Independence Day Cup U 16 Football Tournament 2016 ha madan Kiang Nangbah Stadium, Ladthadlaboh.
Ha uni u snem da wan chimbynta 16 tylli ki dhab yalehbol na kylleiñ ka West Jaiñtia Hills District. Wei da yabhah ya ki ha ka 4 tylli ki bynta ka Pool A, B, C wa D
Ha ka yalehke wa nyngkong ka Panaliar da yachem ko wa ka Dongmihsngi heiwa ka Panaliar da jop ko 1-0. Ya ka kool wa pynjjop ya ka Panaliar da thap da u Manhame Challam ha ka minit wa 27.
Ya kiwa kwah lai paitke lait noh ka Sngichohthat kawa pynman 4 tylli ki yalehke ha kiwi tawan ki sngi ya ka yalehke da pynman heipor 4 waje i janmiet lait noh ha ka sngi Bibar.
Ya ka Final u pynman ha ka 15 tarik u Ñaisaphra.
Read Also: Rah ka Panaliar SC iaka Independence Day Cup 2015
Discussion about this post