Ki khloor yakura ka ri, chynrang wa kynthai daw lai ki cha Italy wa France hadooh 52 sngi nadooh uni u bnai hadooh u Kmaichonglad (December) wow chah hikai wei wow chimbynta ki leh ha ki yakob cha baar ri heiwa ini i chah esikai neiliang ka sorkar da mang ko wow pynlut hadooh T. 1.31 Klur.
Kini ki khloor yakura da em ki 28 ngut kiwa kynthup ya ki 10 ngut ki chynrang wa 6 ngut ki kynthai chirup wa kiwa yarap ya ki (Support Staff).
Na kini ki 28 ngut toh u Amit Panghal, Ashish Kumar, Satish Kumar, Simranjit Kaur, Lovlina Borgohain wa ka Pooja Rani, wei kini waroh da yoh bhah (Quota) ki wow yakhun ha ka Tokyo Olympics. Kini leh kynthup ki ya kiwa yakura ha ka kyrdan Men’s 57 kg, Men’s 81 kg, Men’s 91 kg wa ka Women’s 57 kg toh kiwa ympu em yoh bhah ka India wei ya kani ka dhab da synraan da ki Coach wa em 8 ngut wa ki Support Staff ha ka dhab ki chynrang wa 4 ngut ki Coach wa ki Support Staff neibynta ka dhab ki kynthai.
Kiwa yakura daw chah hikai ki ha Assisi, Italy kamwa 52 sngi nadooh ka 15 tarik uni u bnai hadooh 5 Kmaichonglad.
