Shillong: Neidaw wa em wa yoh COVID-19 wei da em leh kiwa em hei maa wow yoh ya uni u khñiang ha i yung u John Sohtun ha Pohktieh, Shillong wei da emkaam wow leh yei booddien ya kiwa yachem wa kiwa yoh ya uni u khñiang kamjooh kiwa yachem pateiñ, u leh yaki Test wei wow khangkset.
Kamtæ ka District Magistrate, East Khasi Hills District da pynmih hukum ko ynne ka 8 tarik yow pynbna Micro Containment Zone ya ini i yung haneiñ yow khang yei psiah i mih khlem da yoh bor cha kini ki thaw.
Ha kawi won ka hukum, hadien wa da dep wow leh yeiwa emkaam wei da yoh yaki Result, ka District Magistrate, East Khasi Hills District da pynmih hukum ko ynne ka 8 tarik yow pyndam yaka hukum pynman Containment Area ya i yung u Santosh Thapa, Nepali Compound, Rilbong, ki thaw sah ki wakreh ka Pinewood Hotel, Shillong wa i thaw (Compound) ka Iakmenlang Khyriem waka Sngewbhalang Khyriem (wa kynthup ya kiwa chong wai) ha Nongkhyriem Block-4, Nongthymmai, Shillong, i yung ka Ibanylla Wanniang wa u Shanborlang Kharnarbi (Second floor) ha Lower Mawprem, wa i Second Floor ka Bharti Bhavan Building ha Lower Mawprem nadooh ynne hi ka 8 tarik.
