Shillong: U Alexander Laloo Hek uwa man u Montri ka sorkar ha Meghalaya da kyntu u ya u Montri ka chnat Human Resource Development (HRD), u Dr. Ramesh Pokhriyal wow thung noh ya u Vice Chancellor wa pura wa uwa biang ha ka skurbah ka North Eastern Hill University (NEHU).
Ini i chimkhia yong u Hek toh wa hadien ka sorkar pyrdi da pynyinsur biang ko ya ka samoi krehkaam yong u Vice Chancellor ka NEHU, u Prof. SK Srivastava wot hapyrdi i pyrchah na ka Joint Action Committee wa kynthup ya ka NEHUTA, NEHUNSA wa NEHUSU.
Katkam wa pyntip u Hek, da yoh u wow pynsñiaw chiboon hakhmat u Montri ka sorkar pyrdi hawa yatoh wa i long i man yong ka skurbah NEHU neibhah wa ym em VC wa pura.
Da pyntip u leh wa neiliang u Pokhriyal da kular u wa ha uni u snem daw pyndep lut noh ya waroh ki emkaam kam wow pynman Interview neibynta wow yoh ya u VC wa pura ka NEHU, heiwa da pynsñiaw leh wa hawa sdang yong u snem thymme daw ye wow noh ya u VC wa pura ha NEHU.
