U montri rangbah ka jylla, u Conrad K. Sangma da ong u wa ka sorkar da kreh ko wow pynmiat wei wow pynku kyrdan ya ki thaw sumaar kam ki PHC wa CHC wa kiwi kiwi hapoh ka jylla kiwa yatoh wa i chait i khiah wei wa neibynta ini da pynkhreh ko hadooh T. 350 klur.
Yeini u Conrad da ong u ynnin ka sngi heiwa wa wai u ya ka yung skur wa thymme yong ka Bajengdoba Higher Secondary School ha North Garo Hills..
Da ong u wa katkam wa man katni emkaam wow pynmiat ya ki thaw esumaar hapoh ka jylla neibhah kiwa boon hi ki Health Center dang duna ki nadooh ki tiar, ki thaw sah ya ki Doctor, ki wakreh Paramedical Staff wa kiwi kiwi kamtæ da booh jar jiar ki bynta (Phase Wise) wow pynmiat ya ki thaw sumaaar neibynta ki paidbah.
Chooh chooh da pyntip u leh wa haka Ministry of Jal Shakti, ka sorkar pyrdi da booh ko hadooh T. 4000 klur wow pynpoi um-dih cha waroh ki manyung hapoh ka jylla wei wa ki kreh hajrong ini dang lai bait i khnang wow pynpoi umkor cha waroh ki manyung.
U Conrad da pyntip u leh wa lyngba kani ka Jaal Jeevan Missin, daw em palat 6 lak tylli ki manyung ki wow yoh myntoi na ka ha ki thaw palat sor wa em hapoh ka jylla.
