U Union Minister of State (Independent Charge) Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh ynne da pyntip u wa hadooh ynne ka sngi ya ki Interview yaleh kreh namo ki Job Interview da pyndooh (Abolish) ya ki ha ki 23 tylli ki jylla wa 8 tylli ki Union Territory (UT) ka India wei kini toh neibynta ki kyrdan kreh Group-B (Non-Gazetted) wa Group- C Post yong ka sorkar pyrdi nadooh u 2016.
Hajrong ini i pynkylla yei rukom thung kreh ka Department of Personnel & Training (DoPT), u Dr. Jitendra Singh da pynkynmoo u wa ha ka 15 Naisaphra 2015, hawa e i klam na Red Fort ha ka sngi laitlooid ka ri, u montri rangbahdooh ka ri, u Narendra Modi da klam u hajrong wow pyndooh noh ya ki Interview wei i jied ya kiwa yoh kreh toh du lyngba ka ka Written Test donhi neibhah wa manda khut Interview, ym du kiwa yaleh kreh tangwa wot ka yung ka sem yong ki leh pisa lang’a ki. Katwa kamtæ ka DoPT da rai noh ko wow pynkrehkaam yeini pyn hapoh le bnai heiwa da ye wow pyndooh noh pura ya ki Interview kreh ka sorkar pyrdi (Central Government) nadooh ka 1 Duyatra (January), 2016.
U Dr. Jitendra Singh da ong u wa da em ki jylla kam ka Maharashtra wa Gujarat kiwa smat wow pynkrehkaaam yeini, da em leh kiwa artatien wow pyndooh ya ki Interview kreh.
Da pynsñiaw u leh yei mynsien wa kmen neibhah hadien wa pteiñ u booddien yeini dei langær ya ki kattu kaatni ki sorkar jylla, katni da ye wow pyndooh ya ki Interview kreh ha ki 8 tyli ki Union Territory ka India wa kynthup ya ka Jammu & Kashmir wa Ladakh, wa ha ki 23 tyli na ki 28 jylla ka ri.
Chooh chooh u Dr. Jitendra Singh da ong u leh wa ha ki por wa dadep da yoh ya ki ujor heiyatoh wa ki Marks ha ka Interview wa da pynkylla ya ki neibynta wow myntoi kiwi ki ar, wei deiwa pyndooh ya ki Interview wei deiwa chim du ya ki Marks wa yoh na ki Written Test da wanrah i yei thung kreh iwa salonsar khlem leh chiliang.
U Dr. Jitendra Singh da ong u wa hajrong i wanrah yei rukom thung kreh iwa khooid, da em leh ki jylla kiwa da pyntip wa da ye u pynduna ya i lut i sep ka sorkar (State Exchequer) neibhah manda khut Interview, da khut ya ki hajar ngut wei ini man i iwa sy’ad wei iwa chimpor da ki sngi wow pyndep.
Ye leh wow kdaw heini wa da jooh em ki ujor wa da pynkhian ya ki Marks Interview yong kiwa yaleh kreh khnang wow myntooi kiwi neibhah da jooh em ki ujor wa da jooh thong da ka poisa wow yoh ya i kreh.
