Ka seiñ Hynñiewtrep Youths’ Council (HYC) Mawliehbah Unit da beiñ joor kamjooh leh da kyntait ko yei pynbaad wa man bru esuid u Mores Marngar kat hadooh wa ki khon pyrsa tre yong oo da chim ki yei mynsien uni u waheh ha ka 6 tarik uni u bnai..
Ini waroh da jia i ha ka chnong Nongdisong wa em mar yajan wa ka chnong Mawliehbah, Mawnar, da ong u Tyngshaiñ Mawsor uwa man leh u General Secretary ka HYC Mawliehbah Unit.
Da pynrap u leh deiwa ong wa ka seiñ kamjooh leh ka imlang sahlang ymye ko wow pdiang yeini i leh ki damok deiwa kyntu ya ki bor ka aiñ wow thooh, u kem wei wow pynchitom ya kiwa emkti ha ini i kaam.
Ka seiñ leh da ong ko wa da suba ko wa emkti chiboon ngut ha ini i kaam deiwa kyntu leh ya ki pulit wow kem lut ya kiwa emkti ha ini i kaam.
Ini man i katkam ka wyrta na u General Secretary ka HYC Mawliehbah Unit, u Tyngshaiñ Mawsor.
