U Chief Secretary ka jylla Meghalaya u M.S. Rao da pyntip u wa ki Skill Development Training Institutes ka jylla kiwa em hapoh ka PMKVY 2.0 u chah noh yaki wow e sikai (Training) biang ki nadooh ka 15 tarik uni u bnai.
Ini i chah toh deiwa bood ya ki kyndon SoP wa pynmih da ka Ministry of Health & Family Welfare haka 8 tarik u Naikhynde wa naka Ministry of Skill Development & Entrepreneurship lynbga ka F.No.B-12011/01/2016-SDE(Part I), haka 11-05-2020.
Waroh ki Skills Development Training Institutes ka jylla kiwa em hapoh ka PMKVY 2.0 kiwa kwah u sdang biang yei e Training toh u pyntip ki cha ki Deputy Commissioner deiwa pyntikna wow bood ki thij næ yaki SoP.
Ki Deputy Commissioner leh toh u pyntikna ki wa da bood thij yaki kyndon deiwa lai sylli na ki por cha ki por cha kini ki thaw wei wow pynbait leh yei por wa ye u wai iwa chong katkam i long i man ki thaw wa em kini ki Training Institutes.
