La le sngi kattu kiwa dang yoh ya u COVID-19 ha India da em ki hapoh 70 hajar kamjooh leh kiwa dang chait dang pteiñ hi ki wow boon ya kiwa dang yoh ya uni u khñiang heiwa ha kini ki 24 kynta da em 74,632 ngut kiwa dang chait, kiwa dang yoh da em ki 63,509 ngut wa 730 ngut kiwa dang yap iwa mut wa da duna kiwa dang yoh ya uni u khñiang da 11,853 ngut katkam ka yukheiñ ka Ministry of Health & Family Welfare.
Kiwa boon dooh kiwa dang chait toh ha Maharashtra 15,356 ngut, ha Karnataka 10,421 ngut, Kerala 7,723 ngut, Andhra Pradesh 5,715 ngut, Tamil Nadu 5,117 ngut Uttar Pradesh 3,662 ngut wa ha West Bengal 3,185 ngut.
Da em leh 24 tylli ki jylla kiwa da boon da kiwa chait ya kiwa dang em ya uni u khñiang ha kini ki 24 kynta kiwa boon dooh ha Maharashtra 7,021 ngut, Karnataka 2,317 ngut, Andhra Pradesh 1,128 ngut, Uttar Pradesh 733 ngut, Odisha 538 ngut wa ha Tamil Nadu 508 ngut.
Waroh kiwa da chait hapoh ka ri da em ki 87.05% iwa ku naka 86.78% kiwa em 63,01,927 ngut, kiwa dang em ya uni u khñiang da em ki 11.42% iwa hiar naka 11.69% kiwa em 8,26,876 ngut wa 1.53% kiwa yap kiwa em 1,10,586 ngut. Waroh kiwa da dep yoh ya uni u khñiang da em ki 71,39,389 ngut.
Kiwa da chait da tam ki da 54,75,051 ngut ya kiwa dang em ya uni u khñiang iwa ku da 86,485 ngut nadooh ynnin ka sngi.
