Ka Litigation Cell ka Khasi Students’ Union (KSU) da thoh ko cha u montri rangbah ka jylla u Conrad Sangma yei wym thung de yaka Full Bench hapoh ka Lokayukta (Judicial wa Non-Judicial) hapoh Meghalaya kawa man kawa toh u pait yaki kaam baamtooh da ki wakreh sorkar.
Hapoh ka jylla Meghalya da dep wow mynjur ya kani ka aiñ wei neiliang ka Supreme Court leh haka muktoduma da pynmih hukum ko haka 24-10-2018 yow thung noh yaki Judicial wa Non-judicial Member ka Lokayukta khlem pynslem.
Ka Union da ong ko wa ka sorkar jylla warim ym em chimkhia ko wow leh ya iwa emkaam yow chna yaka Lokayukta kat wym pu em leh yaka mukotduma (Writ Petition) da u Ashwini Kumar Upadhya ha ka Supreme Court ha u snem, 2016. Heiwa i jied yaki Chairman wa Member da dep chwa ka Election MLA 2018 tangwa ka sorkar warim ym em de wan ko hei bor.
Kamtæ ka seiñ da ong ko wa kani ka sorkar wa katni won da leh chanam ko wow pynslem u thung yaki dkhot ka Lokayukta dei wym burom hadooh ka hukum ka Supreme Court.
Kamtæ da kyntu ya u montri rangbah wow chimkhia ya kani ka kaam wei wow thung yaki dkhot ka pura (Full Bench) yow pait yaki kaam baamtooh hapoh ka jylla wei yow lait leh nei chah pynchitom wym burom ya ka hukum ka Supreme Court.
