Neiliang ka HYC da beiñ joor ko wow yo ya ki khynnah wa yang ki ya ka pali yong ki haphrang yung krehkaam GPO, Shillong wow e ki ya ka Answer Script yong ki neibynta ka Exam Undergraduate ka skurbah NEHU wot hapyrdi wa em ka khlam COVID-19.
Da beiñ ko leh ya u Vice-Chancellor kani ka skurbah, u Prof. S.K. Srivastava uwa da pynkylla ya ka Online Examination cha ka Offline Examination heiwa hap ekti ya ki kot ki sla deiwa tyngkheiñ ya ki kyndon wow yada na ka khlam COVID-19 deiwa dawa leh wow kyrriah kreh noh ya u Prof. Srivastava.
Da dawa ko leh wow pynman ya ka takit ya u Vice Chancellor, u Pro-VC kiwa da rieh hadien u Controller of Examination, wei da toh wow leh yaka takit hapoh ka aiñ Epidemic Act wa ka DM Act neibhah wa da pynbor ki ya ki khynnah wow ekti ya ki Answer Script lyngba ka Post Office.
Chooh chooh da ong ko wa ini i leh da ktah i ya ki khynnah wa i kulmar hapyrdi ki thaw paidbah wei emkaaam wow pynchitom ya kiwa kitkaam ka NEHU katkam ki kyndon ka aiñ. Deiwa pynrap leh wa emkaam wow bood ya ki kyndon wa da booh ka Deputy Commissioner ka East Khasi Hills District.
Kani toh katkam ka wyrta na u Iarapbhathik N Shangrit uwa man kam u President ka HYC NEHU Unit.
