Hadien wa mih ki khubor wa kam wa pdung wei kaad pdang ki thaw pynlang ya i jhep Uranium, neiliang ka seiñ HYC South West Khasi Hills District khnang wow yoh ya ka yutip wa bniah da paan ko da ka RTI na ka yung krehkaam Deputy Commissioner ka District wow chem yeiwa sakhiat waroh hajrong ini.
Ha ka RTI ka seiñ da kylli ko wa lada tip ki bor District lada em i pdung ki thaw booh ya i jhep Uranium, katwon tylli ki thaw wa tlep/pynlang ya i jhep Uranium iwa em ha Nongbah Jynrin wei na kitæ katwon tylli kiwa da tlep wei katwon tylli won kiwa dang ieh wei kamjooh leh katwon tylli kiwa da kaad.
Da kylli ko leh yi wow pynman ya ka takit, wow e yei kyrdan puræ yong kiwa daw lai takit, wow pynsakhiat da ki dur wa ki Video heipor wa lai takit.
Choooh chooh da kylli ko leh wa lada em iwon iwon i ktah ya ki jait wa em waroh nadooh ki mar wa mih, kiwa thung, wa kiwi kiwi nei lait kini ki thaw noh jhep hadooh katni, lada em i murieh na ka sorkar jylla wa sorkar pyrdi wow murieh yeiwa sakhiat.
Lada ki MLA namo ki MDC ka South West Khasi Hills District da dawa ki wow pynman ya ka takit wa bniah nei suba wa lait ka la’ær bih na kini ki thaw, da kylli leh hajrong ki bynta wapphær waphær hajrong kani ka bynta.
