Ka District Magistrate ka East Khasi Hills da pynkylla ko ya i por pynkrehkaam yaka Night Curfew deiwa pynmih hukum ynne ka sngi hapoh ka Section 144 CrPC deilang waka Regulation 3 ka Meghalaya Epidemic Diseases, COVID-19 Regulations, 2020 heiwa yaka Night Curfew u krehkaam noh ko 10 waje i miet hadooh ka 5 waje i step nadooh ka 21 tarik uni u bnai hadooh ka 31 tarik uni u bnai lane hadooh wa pynmih hukum da kamwi.
Kamtæ ka District Magistrate, East Khasi Hills District da pyntip ko leh wa yaka hukum wa pynmih ha ka 18 tarik uni u bnai heiyatoh i krehkaam ka Section 144 CrPC chirup wa ka Regulation 3 ka Meghalaya Epidemic Diseases, COVID-19 Regulations, 2020 da pynkylla yei por krehkaam ka hukum cha ka 5 waje i step hadooh 10 waje i miet.
Ini leh toh iwa krehkaam nadooh ka 21 tarik uni u bnai hadooh ka 31 tarik uni u bnai ha waroh kawi ka East Khasi Hills District wa kynthup ya ka Shillong Urban Agglomeration, Sohra wa Pynursla Civil Sub-Divisions wa ki C&RD Block katwa kiwi ki kyndon wa da dep pynbna haka 18 tarik u neh ki kamjooh.
