Kiwa dang chait na u COVID-19 ha India dang pteiñ hi ki wow boon ya kiwa dang yoh heiwa ha kini ki 24 kynta kiwa chait da em ki 79,415 ngut, kiwa dang yoh 55,839 ngut wa 702 ngut kiwa dang yap iwa mut wa kiwa dang em ya uni u khñiang da hiar ki da 24,278 ngut katkam ka yukheiñ ka Ministry of Health & Family Welfare.
Iwa duna kiwa dang yoh da pynneh ko yaka Positivity Rate namo iwa kheiñ katwon ngut kiwa yoh na kiwa dang Test kiwa em hapoh 5% ha kini ki 3 sngi iwa pynyoo wa da ye wow kdoh u khoom yei poor uni u khñiang katwa yong ynne ka sngi, ka Positivity Rate da man ko 3.8%.
Kiwa boon dooh kiwa dang chait da em ki ha Maharashtra 23,371 ngut, Karnataka 9,289 ngut, Kerala 6,939 ngut, Andhra Pradesh 4,739 ngut, Tamil Nadu 4,301 ngut, West Bengal 3,596 ngut, Delhi 3,444, Uttar Pradesh 3,332 ngut, Rajasthan 2,865 ngut wa ha Odisha 2,716 ngut.
Na kiwa dang yoh thymme, kiwa boon dooh toh ha Kerala 8,369 ngut, Maharashtra 8,142, Karnataka 5,872 ngut, West Bengal 4,069 ngut, Andhra Pradesh 3,746 ngut, Delhi 3,686 ngut, Tamil Nadu 3,086 ngut, Chhattisgarh 2,360 ngut, Uttar Pradesh 2,321 ngut, Odisha 1,931 ngut.
Kiwa da chait hapoh ka ri da em ki 89.20% iwa ku naka 88.81% kiwa em 68,74,518 ngut; kiwa dang em ya uni u khñiang da em ki 9.29% kiwa hiar naka 9.67% kiwa em 7,15,812 ngut wa 1.51% kiwa yap kiwa em 1,16,616 ngut. Waroh kiwa da dep yoh ya uni u khñiang da em ki 77,06,946 ngut.
Kiwa chait da tam ki da 61,58,706 ngut ya kiwa dang em ya uni u khñiang iwa ku da 1,03,693 ngut nadooh ynnin ka sngi.
