I yaleh pyrchah ya u COVID-19 hapoh India da poi ko cha u moomer wa emkaam heiwa hadien ar bnai (63 sngi) kiwa dang em ya u COVID-19 da hiar ki hapoh 7 lak ngut itæ 6,97,330 ngut iwa da jia khaddoh haka 22 tarik u Naisaphra.
Ha kini ki 24 kynta, kiwa dang chait da pteiñ hi ki wow tam ya kiwa dang yoh heiwa kiwa dang chait da em ki 73,979 ngut, kiwa dang yoh da em ki 54,366 ngut, kiwa dang yap da em ki 690 ngut iwa mut wa kiwa dang em ya uni u khñiang da hiar ki da 20,303 ngut katkam ka yukheiñ ka Ministry of Health & Family Welfare.
Kiwa boon dooh kiwa dang chait toh ha Maharashtra 16,177 ngut, Karnataka 13,217 ngut, Kerala 7,593 ngut, Tamil Nadu 4,314 ngut, Andhra Pradesh 3,723 ngut, West Bengal 3,608 ngut, Chattisgarh 2,996 ngut, Delhi 2,727 ngut, Rajasthan 2,654 ngut wa ha Uttar Pradesh 2,581 ngut.
Kiwa boon dooh kiwa dang yoh toh ha Maharashtra 7,539 ngut, Kerala 7,482 ngut, Karnataka 5,778 ngut, West Bengal 4,157 ngut, Delhi 3,882 ngut, Andhra Pradesh 3,620 ngut, Tamil Nadu 3,077 ngut, Chhattisgarh 2,491 ngut, Uttar Pradesh 2,383 ngut wa ha Odisha 1,913 ngut.
Kiwa da chait hapoh ka ri da em ki 89.53% kiwa ku naka 89.20% kiwa em 69,48,497 ngut; kiwa dang em ya uni u khñiang da em ki 8.96% kiwa hiar naka 9.29% kiwa em 6,95,509 ngut; kiwa yap da em ki 1.51% kiwa em 1,17,306 ngut. Waroh kiwa da dep yoh ya uni u khñiang da em ki 77,61,312 ngut.
Kiwa da chait da tam ki da 62,52,988 ngut ya kiwa dang em ya uni u khñiang iwa ku da 94,282 ngut nadooh ynnin ka sngi.
Da em leh 24 tylli ki jylla kiwa em hapoh 20,000 ngut kiwa dang em ya uni u khñiang.
