I pteiñ wow boon kiwa chait ya kiwa dang yoh COVID-19 ha India da pynpoi ko ya kiwa da chait wow tam ki 70 lak ynne ka sngi deiwa em 67,549 ngut kiwa dang chait, 53,370 ngut kiwa dang yoh, 650 ngut kiwa yap iwa mut wa kiwa dang em ya uni u khñiang da duna ki da 14,829 ngut ha kini ki 24 kynta katkam ka yukheiñ ka Ministry of Health & Family Welfare.
I boon kiwa chait ya kiwa dang yoh da pteiñ i khlem sangeh nadooh ka 4 tarik uni u bnai heiwa da em 4 tylli ki sngi wa da tam palat 20,000 ngut kiwa dang chait ya kiwa dang yoh iwa deiwa kheñ yonglang ha kini ki 21 sngi, kiwa dang chait da tam bait ki palat 12,500 ngut chi sngi ya kiwa dang yoh.
Kiwa boon dooh kiwa dang chait toh ha Maharashtra 13,247 ngut, Karnataka 8,749 ngut, Kerala 6,118 ngut, Andhra Pradesh 4,281 ngut, Tamil Nadu 4,262 ngut, West Bengal 3,676, Delhi 3,296 ngut, Uttar Pradesh 3,025 ngut, Chhattisgarh 3,010 ngut wa ha Odisha 2,377 ngut.
Kiwa boon dooh kiwa dang yoh toh ha Kerala 8,511 ngut, Maharashtra 7,347 ngut, Karnataka 5,356 ngut, West Bengal 4,143 ngut, Delhi 4,086 ngut, Andhra Pradesh 3,765 ngut, Tamil Nadu 3,057 ngut, Chhattisgarh 2,450 ngut, Uttar Pradesh 2,202 ngut wa ha Rajasthan 1,815 ngut.
Waroh kiwa da chait hapoh ka ri da em ki 89.78% kiwa ku naka 89.53% kiwa em 70,16,046 ngut; kiwa dang em ya uni u khñiang da em ki 8.71% kiwa hiar naka 8.96% kiwa em 6,80,680 ngut wa 1.51% kiwa yap kiwa em 1,17,956 ngut. Waroh kiwa da dep yoh ya uni u khñiang da em ki 78,14,682 ngut.
Kiwa chait da tam ki da 63,35,366 ngut ya kiwa dang em ya uni u khñiang iwa ku da 82,378 ngut nadooh ynnin ka sngi.
