Ki pulit ka East Khasi Hills ynne ka sngi da yoh ki wow kem kiad na ki san tylli ki thaw ha Shillong kiwa kynthup nadooh i kiad lieh wa i kiad soo.
Ki pulit ka Nongmynsong OP deilang wa ki bru ka Excise da lai khynra ki ha Nongmennong, Dongkamon heiwa da yoh wow kem kamwa 24,640 ml i kiad soo wei da rah ya ini da ki sahep ka Excise yow leh ya iwa emkaam.
Ki Kench’s Trace Police Patrol ynne i janmiet ha Bishnupur Ghoraline wa ki thaw wa em chajan da yoh ki wow kem ya i kiad soo wa 164.62 liter na iwi i dukan wa em hajan i Central Work Shop.
Ka Patrolling Party ka Nongmynsong OP da chem ki ya 20 tylli ki yusong Plastic wa em ya i kiad lieh na iwi i khloo hajan Urkaliar. Ya kini da pynsih wei da noh pyn ha ini i thaw.
Ki Laitumkhrah Police won da yoh ki wow kem kiad soo wa 34,825 ml na Iew Syiar wa em hapoh ka thaw pynyieñ kari.
Hei janmiet won, ki pulit ka Cantonment BH hawa lai khynra ki ha Sohra Stand wa Mawlonghat Parking Lot, da yoh ki wow kem kamwa 1,69,200 ml i kiad phareng na kawi ka kari.
