Ka ri India dang pteiñ hi ko wow lai haka luti wow jop ya u COVID-19 heiwa kiwa dang yoh ha kini ki 24 kynta da em ki 36,470 ngut iwa da duna bha hawa nujor ha ki por wa joor bha ha u Naikhynde heiwa da em ki sngi wa em palat 97,000 kiwa yoh thymme haka chi sngi.
Ini i duna kiwa dang yoh kamni toh nadooh iwa da jia ha ka 16 tarik u Naiynñiaw heiwa da em 34,884 ngut kiwa dang yoh.
Ini mut leh wa kiwa chait dang pteiñ hi ki wow boon ya kiwa dang yoh heiwa ka kini ki 24 kynta kiwa dang chait da em ki 63,842 ngut, kiwa dang yap da em ki 488 ngut iwa mut wa kiwa dang em ya uni u khñiang da duna ki da 27,860 ngut.
Kiwa boon dooh kiwa dang chait toh ha Maharashtra 9,905 ngut, Karnataka 8,715 ngut, Kerala 7,107 ngut, Tamil Nadu 4,014 ngut, Andhra Pradesh 3,972 ngut, West Bengal 3,889 ngut, Delhi 3,726 ngut wa ha Chhattisgarh 3,256 ngut.
Ha kini ki 24 kynta da em leh 30 tylli ki jylla wa boon da kiwa chait ya kiwa dang yoh kiwa boon dooh ha Maharashtra 6,344 ngut, Karnataka 5,527 ngut, Assam 2,619 ngut, Andhra Pradesh 2,090 ngut, Chhattisgarh 1,650 ngut wa ha Tamil Nadu 1,338 ngut.
Waroh kiwa da chait hapoh ka ri da em ki 90.62% iwa ku naka 90.23% kiwa em 72,01,070 ngut; kiwa dang em ya uni u khñiang da em ki 7.88% iwa hiar naka 8.26% kiwa em 6,25,857 ngut wa 1.50% kiwa yap kiwa em 1,19,502 ngut; deiwa kheiñlang waroh kiwa da dep yoh da em 79,46,429 ngut.
Kiwa chait da tam ki da 65,75,213 ngut ya kiwa dang em ya uni u khñiang.
