U Commissioner & Secretary ka Transport Department ka sorkar Meghalaya da pyntip u wa kam chibynta wow chah u krehkaam biang ki thaw sikai yah kari namo ki Driving Schools iwa nadooh ka 26 tatik uni u bnai, da booh yaki wow bood yaki kyndon krehkaam.
Waroh ki Driving School toh u pyntikna ki wa em ya ki Thermal Scanner, Sanitizer wa ka Register yow thoh ya i pyrtuid wa kiwi kiwa emkaam ha i thaw psiah wei kini ki thaw sikai yah kari toh u em ki cha baar ki Containment Zone.
Hap ki leh wow bood yaka Social Distancing, u deiñ yaki Mask wa kiwi kiwi kyndon. Heiwa ki bru wa em 65 snem chaneiñ, kiwa em chwa i chitom, ki kynthai wa pun khon ym toh u chah wow wan chah sikai ki. Yaki kyndon wa hap u bood toh u wah ha ki thaw wa em ka Driving School.
Hawa e sikai wow yah kari, uwa sikai wa kiwa chah sikai toh u deiñ ki yaki Mask, u sap yaki sap-kti, ya ka kari toh u sait pynkhooid chwa wow pynemkaam, ym toh wow khang yaki khang yit, ym toh leh wow pynemkaam yaka Air Conditioning.
Toh u em du 3 ngut donhi ki bru hapoh kari. Yaki kyndon waroh ye phi wow yoh heini.
