Jem chiliang wei thap bakla kiwa yaleh ha ka Independence Cup ynne ka sngi

Jowai : Ka 2nd Independence Day Cup U-16 ynne ka sngi Chohthat da pynman ya ki 4 tylli ki yalehke ha pyrdi u slap wa ka la-er ha madan Kiang Nangbah Stadium Ladthadlaboh, Jowai.

Ha ka yalehke wa nyngkong ka Khliehiongriang SC da yachem ko wa ka Dulong SC heiwa ka yalehke da kut khlem em wa thap kool

Ha ka yalehke wa ar won ka Mookyndur SC da yaleh pyrchah ko ya ka Caroline Colony heiwa ka Mookynur da jop suk ko da 4-0. Ya ka kool wa nyngkong u Eddy Jefferson Tang yong ka Caroline da thap u ya ka kool wa nyngkong yong ka Dulong (Own Goal). U Jeme Pariat won da thap u ya artylli ki kool ha ka minit wa 40 wa 65 ya ka wa soo da thap da u Benison Khar ha ka minit wa 62.

Ha ka yalehke wa le won ka Lumpariat SC ha pyrdi ka Ialong SC da kut ko 4-0 deiwa jop ka Lumpariat. U Aident Lyngdoh da yoh u ya ka Hat-trick deiwa thap u le tylli ki kool ha ka minit wa 27 katwa u Vicky Lyngdoh won da thap u ha ka minit wa 67.

Related posts

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

Deilang ka Fete, ka Housie, ka pynkhle nasib ha ka Final ka Tournament ka Moosianglamare New & Youth Welfare Organisation SC

July 5, 2026

Ha ka yalehke wa soo won ka Khimusniang won da pynrem ko ya ka Mookyrdup da 2-1. Ya ka kool wa nyngkong da e cha ka Khimusniang ha ka minit wa 10 pyn da u wa yalehke ka Mookyrdup u Behold Lamin yong ka Mookyrup. Ka Mookyrdup da su kylliang won ko ha ka minit wa 26 lyngba u Sandi Lyngdoh ha ka minit wa 26. Da pynjop ya ka Khimusniang da u Mebanteilang Bareh ha ka kool ha ka minit wa 31.