Shillong: Neidaw wa em kiwa yoh COVID-19 kamjooh da em kiwa em hei maa wow yoh ya ini u khñiang, kamtæ yow booddien ya ki, yow ye u leh ya ki Test, yow khangkset kam chibynta wow yada nei poor uni u khñiang.
Kamtæ ka District Magistrate, East Khasi Hills District da pynih hukum ko haka 29 tarik uni u bnai yow pynbna Micro Containment Area ya i yung u Woling Lyngdoh ha Mawkhar Block-3 yow khang yei psiah i mih khlem da yoh bor cha ini i thaw.
Ha kiwi won ki hukum, hadien wa da dep wow leh ya iwa emkaam wei da yoh ya ki Report, ka District Magistrate, East Khasi Hills District da pynmih hukum ko haka 29 tarik uni u bnai yow pyndam yei pynman Containment Area i yung u M. Paudel ha Lawsohtun Block-5, i yung ka Anita Pariat ha Qualapatty, ki yung u Vishal Singh Mawrie wa u Ajay Singh ha Sweepers Lane, Mawlonghat, i yung u Moonlight wa ka Mina Chettri ha Lower Mawprem, i yung u Biswarup Chakraborty (wa chong wai) ha i thaw ka H. Kharshandy hajan Shillong Guest House ha Howell Road Laban, i yung ka Jhumella Shylla, Club 1, Pynthorumkhrah wa i thaw u Biplop Das, Club 3, Pynthorumkhrah chisyndon.
Haka 30 tarik uni u bnai won da pynmih hukum wow pyndam man Containment Area ya i Ruma Adhikari Guest House ha Lower Jail Road, i yung u A. Goswami, Krep Sing Swer Road ha Laban, i yung ka B. Thabah ha Lawsohtun Block-1, i yung ka Easter Mary Synrem ha Dongshilliang, Lower Lumparing wa i Top Floor i yung (Building) u T. Passah, Suna Villa, N.D. Lane ha Laban chisyndon.
