U Ambrose Ch Marak uwa man u Director Of School Education and Literacy ka jylla Meghalaya da kular wei pyntikna u wow wai noh yaka Domiasiat Government L.P. School kawa em ha chnong Domiasiat, South West Khasi Hills District ha u snem 2021. Ya ini da pynsñiaw u hei lai yachem yong ka KSU South West Khasi Hills ha ka 28-10-2020 ha kamra krehkaam yong oo ha Shillong.
Kani ka skur toh kawa da pyndooh noh ha u snem 2007 da ki bor sorkar ha i por wa man leh i por wa kyntait yei tyrwa ka Uranium Corporation of India Ltd wow tih Uranium hapoh ka dong ka thaaiñ. Hadien ini da kyrriah ka sorkar ya kiwa sikai kiwa em arngut cha kiwi ki skur. Ini i pyndam noh ya kani ka skur da booh ko hei eh ya kiwa chong chnong yong kani ka thaaiñ heiwa da hap wow phah skur noh yaki khynnah cha iwa em kamwa 10 Km na ka chnong yong ki.
Da kyntu leh wow pynchna noh yaka yung skur kawa da jæd da pra wei wow thung biang leh yaki Assistant Teacher kiwa da chah kyrriah cha wi.
Ka kyrwoh na u Ioanis Hahshah, Education Secretary ka KSU South West Khasi Hills District.
