Hadien 20 snem wa chah kset ha patok ka Pakistan u yoh noh uwa na Odisha u liwan yung

Uwi u bru uwa tip kam u Birju Kulu da e kti ya oo cha ki bor sorkar India ha u pood Indo-Pakistan haka 26 tarik u Naichiphaw kam chi bynta i pynlait ya kiwa chah kset patok kiwa ym emkti ha ki kaam pyrchah yaka aiñ katkam wa pynmih khubor ka Hindustan Times.

Uni u bru toh uwa na ka jylla Odisha uwa da kaap cha chilliang u pood yow psiah chapoh ka Pakistan da palat 20 snem nachwa wei ha kini ki 20 snem da chong u ha patok wa em ha Lahore.

U Birju Kulu uwa 45 snem uwa naka chnong Jangatoli ka Sundargarh District da wiar u da jan dap 24 snem khlem em wa tip wa chem de oo. Da ong wa uni u bru toh uwa duna hei bor pyrkhat pyrdaiñ wei da kreh u ha kawi ka Hotel ha Ranchi iwa em katni ha Jharkhand heiwa kiwa ha yung hasem yong oo ym em pyntip ki cha ki pulit ya iwa wiar u, kamtæ ym em wa booddien ya ini i kaam.

“Ym em wa tip kammon poi u cha Pakistan. Tangwa da poi u cha Amritsar wei neitæ da poi u cha u pood heiwa da kem ya oo da ki bor sorkar ka Pakistan wei da kheiñ ya oo kam uwa chah kem heipor wa em ka thma. Kiwa hayung yong oo leh ym tip de ki iyi iyi chaphang yong oo du hadien wa da e kti ya oo cha ki bor sorkar ka India haka 26 tarik u Naichiphaw kam chibynta iwa jooh leh wow pynlait ya kiwa chah kem kiwa ym emkti ha ki kaam pyrchah yaka aiñ katkam wa jooh leh,” da ong ka Superintendent of Police ka Sundargarh ka Sagarika Nath.

Related posts

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024

Da toh ieh mylliñ ya kawi ka muna skur hawa chong Taxi ha Jowai

July 23, 2024

Ka Nath da ong ko wa da yoh phone ko haka tayaw wa dep naka Ministry of External Affairs wa da pynlait ya u Kulu napoh ka Jail ha Lahore heiwa da phah yaka wow thooh yei thaw sah u wa em ha Sundargarh katkam wa pyntip ka Pakistani. Ki pulit ka Sundargarh da thooh ki ya kiwa hayung u Kulu wei da pyntip cha ki wa u Kulu da toh kaap u cha Pakistan wei da neh u la 20 snem ha Lahore Jail deiwa suba toh uwa man kam u Spy ka India.

Kiwa hayung u Kulu da dooh kyrmen ki wow chem biang, ka bei u pa u leh da khlaad noh ki ha ini i por wei da sah sa du ka payu u wa ki ma u kiwa dang im. Ka payu u da pynsñiaw ko yei sñiawkmen wow tip wa dang im u Kuju wei da chem ya oo, da pyntip u Biswajit Mohapatra, Additional District Magistrate ka Sundargarh.

Ka payu u Kulu da yaklam ko wa oo lyngba ka Video Call. U Mohapatra da ong u wa u Kulu dang chah sumaar haka Hospital wa em ha Amritsar hadien wa chem toh uwa yoh COVID-19.

“Hadien wa yoh u wow mih Hospital, daw pynbiat i wow li booh biang ya oo cha chnong u,” da ong u Additional Magistrate.