La 10 sngi khlem sangeh, kiwa dang yoh COVID-19 da neh ki hapoh 50 hajar ngut man-ka-sngi wei ini i hiar kiwa dang yoh toh iwa da pteiñ kattu la 7 tayaw heiwa ha kini ki 7 sngi hadooh ka 3 tarik deiwa kheiñ yonglang, kiwa dang yoh da em ki 45,884 ngut chi sngi.
Ha kini ki 24 kynta hadooh i step ka 4 tarik, kiwa dang yoh da em ki 46,253 ngut, kiwa chait da em ki 53,357 ngut, kiwa yap 514 ngut iwa mut wa kiwa dang em ya uni u khñiang da duna ki da 7,618 ngut.
Kiwa dang chait kiwa boon dooh toh ha Kerala 8802 ngut, Karnataka 7140 ngut, Maharashtra 6973 ngut, West Bengal 4058 ngut, Andhra Pradesh 3700 ngut, wa ha Delhi 3610 ngut.
Da em leh 23 tylli ki jylla kiwa da boon kiwa dang chait ya kiwa dang yoh ha kini ki 24 kynta kiwa boon wa tam kiwa chait ha Karnataka 4410 ngut, Maharashtra 2184 ngut wa ha Kerala 1966 ngut.
Kiwa da chait hapoh ka ri da ku ki cha ka 92.09% naka 91.96% kiwa em 76,56,478 ngut; kiwa dang em ya uni u khñiang da em ki 6.42% iwa hiar naka 6.55% kiwa em 5,33,787 ngut; wa 1.49% kiwa yap kiwa em 1,23,611 ngut. Waroh kiwa da dep yoh ya uni u khñiang da em ki 83,13,876 ngut.
Kiwa da chait da tam ki da 71,22,691 ngut ya kiwa dang em ya uni u khñiang iwa ku da 60,975 ngut nadooh ynnin ka sngi.
