Khliehriat: U District Magistrate, East Jaiñtia Hills District da pyntip paidbah u ynne ka sngi wa neidaw wa slap joor ha ki bnai wa dadep, da wanrah i yei sih ki bynta ki sarokbah namo National Highway ha ka District.
Da pynrap u leh wa ki truck wa kit ya ki mar wa khia da lai lyngba ki na u National Highway-6 iwa da pynsih chooh chooh ya u sarok iwa daw ye u ktah yei mynsien ki bru wei i pynsih chooh chooh ya u sarok.
Katwa kamtæ da rai wow khang ya ki kari wa kit palat pood wow lai ki lyngba uni u sarokbah deiwa pynkrehkaam ya ka Section 144 Cr.P.C wei emkaam ki kari heh wow pynduna ki u kit ya ki mar wa khia.
Kani ka hukum da man ko kawa krehkaam, wei kiwa leh pyrchah daw chah pynchitom ki katkam ki kyndon ka Section 194 ka Motor Vehicle Act.
