Ka sorkar jylla ynne ka sngi da rai ko wow pyndam noh ya ka soskular Memorandum of Agreement (MoA) hapyrdi yong ka wa ka Company M/s SEW Energy Ltd, wow chna ya ka Rangmaw Hydel Power Project wa 65 MW ha South West Khasi Hills.
Kani ka Company da soi ko ya kani ka soskular nadooh u snem 2010, tangwa nei wym yahaap wa i dor neiliang ka Company da phah pyndam noh ko ya kani ka soskular.
Neiliang u Symbood Montri Rangbah ka jylla, u Prestone Tynsong da ong u wa neibynta ini i kreh (Project) ka sorkar daw khut biang ko wow soi ya ka soskular wa thymme lyngba ka EOI, wei ka sorkar daw chim ko ya ka rai kammon wow lai chaphrang heiyatoh wa ini.
U Prestone da ong u wa da em ki kyndon wow pynchitom ya ka Company tangwa ha u snem 2010 da soi jhan ya ka soskular wei hadien wa ka Company da lai sorjamin ko ya i thaw kreh da chem ko wa ymtoh de kamwa yakut.
