Pyrchah ka Synjuk ki Waheh Chnong Urban Jowai yei kyrriah yaka PWD North Division cha Shangpung

Ka Synjuk ki Waheh Chnong Urban Jowai, dap ko dei diaw mynsien wa i pyrchah joor ya ka hukum ka sorkar kawa da pynmih da u Secretary yong ka sorkar Meghalaya wa pait ya ka Public Works (R&B) Department katkam ka chithi yong oo No. PW/Admn/39/2015/144 dt.3.10.20 wow kyrriah ya ka yung krehkaam ka PWD (Road) Jowai North Division, Jowai na District Headquarter cha Shangpung.

Ka Synjuk da ong ko wa ini i thmu ka sorkar wow kyrriah man i i wym em yurim iyi iyi leh lait noh wow pynyoo yei bor kiwa ksoh bor ha ka sorkar neibhah:

1) Ka thaw krehkaam yong kani ka chnat ha Jowai man ko kawa biang.

2) Ki bru kiwa emkaam ha kani ka yung krehkaam sorkar ym toh du kiwa na ka chnong Shangpung. Katwa kamtæ i em kani ko ha Jowai pynsuk ko ya waroh ki khon ka Ri Jaiñtia neibhah ka Jowai toh ka chnong pyrdi yong ka District, wei ha ka da emlang kiwi kiwi ki sahep sorkar wa ha khliehdooh ha ka District yong waroh ki chnat sorkar.

Related posts

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024

Da toh ieh mylliñ ya kawi ka muna skur hawa chong Taxi ha Jowai

July 23, 2024

3) Kiwa boon ki chnong toh kiwa emkaam bait wa kani ka chnat ka PWD, wei jan ki wow lai cha Jowai bar cha Shangpung.

4) Katni ki sngi pathan boon hi i krehkaam toh deiwa pynemkaam yaka Internet, wot ha chnong Jowai dang thut ka Network katwon tam cha ki thaaiñ wa jngai na sor.

5) I thmu u rah ya kani ka yung krehkaam ym toh u wanrah ko yei suk, u wanrah pathan ko ya chiboon i eh ya ki paidbah wot ya ka chnat sorkar leh, khamtam ki kaam kiwa yatoh wow pynlai pynpoi yaki kot ki sla ka chnat kiwa toh u lai lyngba na u DC. Nalor neitæ, ki kaam yong ka yung krehkaam kiwa toh u phet u phar cha Treasury wa cha Bank.

6) Iwa khaddooh ymtoh iwa kut, wa kammon sang ka sorkar kwah ko u rah da ka yung krehkaam kawa da em chwa, ini i leh toh i wym ye u pdiang. Lada kwah ware ko u em kani ka chnat ha Shangpung, toh u pynkha pynmih ko da ka chnat yong kani ka yung krehkaam iwa daw pynyoh kreh yoh khih ki khon khynroo khyllood, toh pong u rah deiwa da em chwa.

Hajrong ini, lada kamni bait u thooh laad u rah ya ki yung krehkaam cha jar jiar ki chnong wa em kiwa mihkhmat kiwa em ha ka sorkar, ka Jowai mynried u man hi-eh ko ka nongbah yong ka District kawa su hei pyrtuid donhi. Katwa kamtæ pynbor ka Synjuk ya ka sorkar wow pyndam ya kani ka hukum wow kyrriah ya kani ka yung krehkaam chi syndon.

Ka kyrwoh na u President ka Synjuk ki Waheh Chnong Urban Jowai.