Hadien 10 sngi wa em hapoh 50 hajar ngut kiwa dang yoh ya u COVID-19, ha kini ki 24 kynta kiwa dang yoh du biang ki deiwa em 50,210 ngut kiwa dang yoh katwa kiwa chait da em ki 55,331 ngut, kiwa yap da em ki 704 ngut iwa mut wa kiwa dang em ya uni u khñiang da hiar ki da 5,825 ngut.
I boon kiwa chait ya kiwa dang yoh man-ka-sngi da em i chi bnai iwa sdang nadooh ka 4 tarik u Naichiphaw. Ha kini ki 24 kynta kiwa boon dooh kiwa dang chait toh ha Maharashtra 8,728 ngut, Kerala 8,206 ngut, Karnataka 8,045 ngut, Delhi 5,707 ngut wa ha West Bengal 4,129 ngut.
Ha kini ki 24 kynta da em leh 19 tylli ki jylla kiwa da hiar kiwa dang em ya uni u khñiang kiwa boon dooh wa duna ha Karnataka 4,702 ngut, Maharashtra 3,523 ngut, Bihar 329 ngut, Puducherry 316 ngut, Assam 275 wa ha Andhra Pradesh 234 ngut.
Kiwa da chait hapoh ka ri da em ki 92.20% iwa ku naka 92.09% kiwa em waroh 77,11,809 ngut; kiwa dang em ya uni u khñiang da em ki 6.31% iwa hiar naka 6.42% kiwa em 5,27,962 ngut; wa 1.49% kiwa yap kiwa em 1,24,315 ngut. Waroh da poi 83,64,086 ngut kiwa da dep yoh ya uni u khñiang.
Kiwa chait da tam ki da 71,83,847 ngut ya kiwa dang em ya uni u khñiang iwa ku da 61,156 ngut nadooh ynnin ka sngi.
