Kam chibynta wow wanrah dei pynemkaam ya i stat ka juk katni hei wow pynkrehkaam ya ka Targeted Public Distribution System (TPDS) wa i rukom saam rachon iwa khooid hapoh ka NFSA, da chem wa em hadooh 4.39 klur tylli ki card rachon kiwa thok nadooh u 2013 hadooh u 2020 ha waroh kawi ka ri.
Heiyatoh wa ka bhah na ka NFSA wa da pynlait wei da pynkrehkaam neibynta kiwa toh hok wow yoh myntoi hapoh ka NFSA da sdang biang i pynpsiah pyrtuid ya ki bru wa ki manyung wow yoh ki ya ka card rachon ha ki jylla wa ki Union Territory.
Ka NFSA da kynthup ko hadooh 81.35 klur ngut ki bru wa yoh myntoi lyngba ka TPDS, iwa man kamwa 2/3 na kiwa chong chnong ka ri katkam ka yukheiñ Census of 2011.
Katkam wa man kattæ em palat 80 klur ngut ki bru wa yoh mar baam kam u khoo, ata, chana ha i dor wa duna iwa man katkam i dor wa booh ka sorkar pyrdi namo ka Central Issue Prices T. 3.2 chi kilo hapoh ka NFSA man-u-bnai.
