Kiwa dang em ya u COVID-19 ha India da pteiñ ki wow duna deiwa boon kiwa chiat ya kiwa dang yoh da palat chi bnai heiwa ha kini ki 24 kynta kiwa dang yoh da em ki 45,674 ngut, kiwa dang chait da em ki 49,082 ngut, kiwa dang yap da em sa 559 ngut iwa mut wa kiwa dang em ya uni u khñiang da hiar ki da 3,967 ngut katkam ka yukheiñ ka Ministry of Health & Family Welfare.
I duna kiwa dang yoh ya uni u khñiang da pteiñ i nadooh ka 15 tarik u Naichiphaw heiwa iwa duna dooh toh haka 27 tarik u Naichiphaw wa em 36,470 ngut kiwa dang yoh wei da em leh 13 sngi wa kiwa dang yoh ya uni u khñiang em ki hapoh 50,000 ngut.
Ha kini ki 24 kynta, 76% kiwa dang chait toh kiwa na ki 10 tylli ki jylla kitæ ka Kerala 7,120 ngut, Maharashtra 6,748 ngut, Delhi 6,338 ngut, West Bengal 4,339 ngut, Andhra Pradesh 2,747 ngut, Tamil Nadu 2,352 ngut, Karnataka 2,235 ngut, Uttar Pradesh 2,010 ngut, Rajasthan 1,778 ngut, Odisha 1,683 ngut.
Na kiwa dang yoh 76% toh kiwa na ki 10 tylli ki jylla kitæ ka Kerala 7,201 ngut, Delhi 6,953 ngut, Maharashtra 3,959 ngut, West Bengal 3,928 ngut, Andhra Pradesh 2,367 ngut, Tamil Nadu 2,341 ngut, Karnataka 2,258 ngut, Haryana 2,011 ngut, Uttar Pradesh 1,894 ngut, Rajasthan 1,841 ngut.
Waroh kiwa da chait hapoh ka ri da em ki 92.49% iwa ku naka 92.41% kiwa em 78,68,968 ngut; kiwa dang em ya uni u khñiang da em ki 6.03% kiwa hiar naka 6.11% kiwa em 5,12,665 ngut; wa 1.48% kiwa yap kiwa em 1,26,121 ngut, waroh deilang da poi 85,07,754 ngut kiwa da dep yoh ya uni u khñiang.
Kiwa da chait da tam ki da 73,56,303 ngut ya kiwa dang em ya uni u khñiang iwa ku da 53,049 ngut nadooh ynnin ka sngi.
