Ka thaaiñ Nongjngi da pynsñiaw ko yei sñiawkmen wa da yoh sarok thymme uwa da dep wow siang rong tymme ha uni u snem uwa pyrtuid Samatan-Ksehtyrshang Road u wa lai na Ionglywit-Nongjngi-Moorapushai-Lumstong-Krem labit uwa da chem chitom ha kini ki snem wa dadep wa da dap u da i ktieh, uwa tlær ki kari ha i por wa lai wa wan khamtam hawa em kiwa kjut wa chitom.
Uni u sarok toh uwa da slem wa da rim uwa da sdang wow chna ya oo heipor wa dang man u H.B. Dan kam u montri sorkar wei da e khublei leh ya oo uwa da chynna jngai wow pynyoh ya uni u sarok uwa jrong kamwa 7 Km.
Katni da yoh ya uni u sarok psiang lyngba ka Scheme pyrdi sorkar ka PMGSY wei da e khublei leh ya u MLA ka thaaiñ u C. Ymbon uwa da leh chitom wow thooh ki laad wow pynyoh ya u sarok psiang hadooh wa da suk i lai i wan wei da miat ka chnong ka thaw uwa da yarap leh ya ki 7 tylli ki chnong kiwa boon toh ki warep nalor wa da pynyabi uni u sarok ya kini ki chnong.
Uni u sarok da pynsuk u leh ya iwa chem chitom uwa da chna nadooh u 1980, kamtæ da kyntu ya ki chnong ki thaw wa ki paidbah wow ya krehlang wow pynmiat pynbha lang khnang wa uni u sarok u neh slem u.
Da e khublei leh ya ki Contractor kiwa da kreh smat wow pyndep yei kreh, da e khublei leh ya u S. Tang, ya u T. Nongtdu wa ya u Riyoo Pulang Nongjngi.
Ka kyrwoh na u Secretary ka Elaka Nongjngi.
