U MLA ka Congress na Rangsakona, u Zenith M Sangma da pynbaad u wa tlot i rukom krehkaam ka sorkar jylla neidaw wa ymye ko wow pynbait yeiwa jia hapoh ka jylla wei ini da ktah i yei chongsuk ka imlang sahlang.
Uni u MLA ka liang pyrchah da beiñ joor u ya ka sorkar kawa ym em u leh iwon iwon hadooh katni heiyatoh wa ka Them-mator, neibhah kattu la kamwa ar snem chiteiñ da thung ya ka High Level Committee (HLC) khlem mih soh mih sla.
Da pynrap u leh deiwa ong wa hadien wa chim ka sorkar MDA yei rai da boon du i kajia donhi weiwa nadooh 31 Naisan la kamwa 80 sngi da pynkrehkaam ya ka Curfew ha nongbah Shillong, wei ini ympu jooh jia i hapoh ka jylla.
Da sñiawkhia u leh wa ya ini i jooh i kaam heiwa katni da wan stat pakhlat da ki sorkar wa ki seiñ kiwa na baar jylla.
