Ka Meghalaya Power Distribution Corporation Limited (MePDCL) ynne ka sngi da pynbna ko ya ka MePDCL One Time Settlement (OTS) Scheme, 2020 neibynta ki bru kiwa ym em su ya ka bai bordiñ namo ki Defaulting Consumers (kiwa kynthup leh ya ki bru kiwa da chah ah dooh ya ka bordiñ) wei kiwa sah ka bai bordiñ hadooh ka 31 Wisu (March), 2020.
Ka OTS Scheme u yarap ko maap, u pynlait hadooh 100% ka DPC (Delayed Payment Charges) kawa man ka kuna wa da kheiñ manda slem u su lane u pynlait hadooh 30% yong ka bai bordiñ wa sah (Total outstanding dues) iwa chong hei jied ki paidbah.
Kani ka Scheme u krehkaam ko nadooh ka 1 Khonchonglad (November), 2020 hadooh 31 Duyatra (January), 2021 heiwa da kyntu ya ki paidbah wow chim kabu ki ya kani ka Scheme yow pynlait noh ya iwa sah wow su waka MePDCL.
Ya ka yutip wa bniah ye u yaklam wa jar jiar ki Assistant Executive Engineer (AEE) yong ki Distribution Sub-division namo ki Nodal Officer, OTS, MeECL Headquarter, Lum Jingshai namo deiwa lai ha ka website www.meecl.nic.in.
