U Dr. Vijay Kumar D. uwa man kam u Commissioner & Secretary ka sorkar Meghalaya, Planning Department da pyntip u wa deiwa pyrkhat yei pynthut ka khlam COVID-19 yei khih i khan, i kamai kajih wei kam chibynta ka ‘Restart Meghalaya Mission’, da pynkhreh yei e yarap kawa da e pyrtuid kam ka ‘COVID Relief for Small Businesses’ i yarap neiliang ka sorkar cha kitu kiwa em khih yong ki hi kiwa khian.
I yarap man i kamni ha wah:
U yarap ka sorkar wow pynyoh ram wei wow yarap su yaka ram kiwa seiñ khih dei yong ki hi
U pynkrehkaam yaka SHISHU kawa em em hapoh ka MUDRA Loans (ka ram wa hadooh T. 50,000) ya kitu kiwa emkaam yarap poisa kiwa ym jooh em chim ram deiwa e 20% kam ka Grant naka ram wa thymme wa T. 50,000 yow pynsuk u yoh ram naki Bank.
Kiwa ye u yoh ya kani ka ram toh du ya kitu kiwa seiñ khih da i yong ki hi kiwa em hapoh ka jylla wei kiwa pynlai leh da kiwa chong wa sah hapoh ka jylla hi.
Kiwa kwah wow yaleh ya ini ye ki wow lai haka Website https://megha-prime.com.
Yow yoh yaka ram naka Bank, daw e yaka Grant kawa man 20% naka ram kawa daw phah cha ka Bank Account kiwa yaleh yaka ram.
Ka Grant toh kawa neibynta kiwa yaleh wow yoh ram wa thymme hadooh ka 31-03-2021.
U e leh yaka Grant wa chisien-e cha kitu kiwa da em ram chwa kiwa seiñ khih dei yong ki hi yow yarap yaki wow su ki yaka ram deiwa e yaka Grant wa 10% naka ram wa chim ki hapoh ka MUDRA/MSME kiwa hadooh T. 1,00,000.
Ini leh man ko kam chibynta yow tipmit ya kiwa seiñkhih yow e yarap yaki mynstep man kawi.
Kiwa ye u yoh ya kani ka Grant toh kiwa seiñ khih hapoh ka jylla Meghalaya kiwa da dep chim chwa yaka ram MUDRA lane MSME hadooh T. 1,00,000 hadooh ka 31-03-2020.
Kiwa yaleh toh u man ki kiwa da ye u su tista hadooh ka 31-03-2020.
Kiwa kwah wow yoh ya kani ka Grant ye ki wow lai haka Website https://megha-prime.com.
