Ka India da poi ko sa cha uwi u moomær wa emkaam haka yakhun pyrchah ya u COVID-19 heiwa haka sien nyngkong hadien 106 sngi, kiwa dang chah ktah ha u COVID-19 da hiar ki hapoh 5 lak ngut, kiwa em kattæ 4,94,657 ngut heiwa ini da jia khaddooh i haka 28 tarik u Naiynñiaw heiwa da em 4,96,988 ngut kiwa dang em ya uni u khñiang.
Ha kini ki 24 kynta kiwa dang yoh ya uni u khñiang da em ki 44,281 ngut, kiwa dang chait da em ki 50,326 ngut, kiwa dang yap da em ki 512 ngut, iwa mut wa kiwa dang chah ktah da hiar ki da 6,557 ngut.
77% kiwa dang chait toh ha ki 10 tylli ki jylla kiwa ha Maharashtra 6,718 ngut, Kerala 6,698 ngut, Delhi 6,157 ngut, West Bengal 4,415 ngut, Karnataka 4,215 ngut, Tamil Nadu 2,237, Uttar Pradesh 2,201 ngut, Chhattisgarh 2,151 ngut, Andhra Pradesh 2,151 ngut wa ha Haryana 1,826 ngut.
78% kiwa dang yoh thymme toh ha ki 10 tylli ki jylla kiwa boon dooh ha Delhi 7,830 ngut, Kerala 6,010 ngut, West Bengal 3,891 ngut, Maharashtra 3,791 ngut, Haryana 2,546 ngut, Karnataka 2,362 ngut, Tamil Nadu 2,136 ngut, Uttar Pradesh 2,112, Rajasthan 1,902 ngut wa ha Andhra Pradesh 1,886 ngut.
Ha ini waroh da em leh 27 tylli ki jylla kiwa em hapoh 20,000 ngut kiwa dang chah ktah wei da em leh sa du 8 tylli ki jylla kiwa em palat 20,000 ngut kiwa dang chah ktah.
Waroh kiwa da chait da em ki 92.79% kiwa ku naka 92.64% kiwa em 80,13,783 ngut; kiwa dang chah ktah da em ki 5.73% kiwa hiar naka 5.88% kiwa em 4,94,657 ngut; kiwa yap 1.48% kiwa em 1,27,571 ngut. Waroh deiliang da poi 86,36,011 ngut kiwa da dep yoh ya uni u khñiang hapoh ka ri.
Kiwa chait da tam ki da 75,19,126 ngut ya kiwa dang chah ktah ha uni u khñiang iwa ku da 56,883 ngut nadooh ynnin ka sngi.
