Shillong: U MLA ka KHNAM na North Shillong, u Adelbert Nongrum ynne ka sngi ha ka dorbar da pynsñiaw u wa ym kyrchaan næ pyrchah ya ka ‘No Confidence Motion’ wa da wanrah pyrchah ya ka sorkar MDA wa yahkhmat da u Conrad K Sangma kam u Montri Rangbah.
Hawa chimbynta ha i yaklam ynne ka sngi hapoh ka yung dorbar, u Adelbert da pynsñiaw u yei sñiawsih hajrong wym pu ye wow pynbait ka sorkar ya ka phang wa yatoh waka Them Mator, deiwa ong wa hadien wa chna ya ka High Level Committee (HLC) hajrong kani ka kaam, ym em chah pynman dkhot u hanla oo man u kam u MLA yong katai ka thaaiñ wa mih i ya kajia, wei ini i leh yong ka sorkar da pynyoo wei man kamwa yoobeiñ ya ki paidbah ka North Shillong.
Da ong chooh chooh u wa ha i por wa lai Delhi wow pynsñiaw yei dawa ILP heipor wa em u haka liang yong ka sorkar, tangwa ka sorkar ym em pyntip næ khut lang, hanlada da klam u boonsien hajrong ka ILP, iwa pynyoo wa ka sorkar ym em kheiñ snep ko ya u MLA.
