Ka Competition Commission of India (CCI) da mynjur ko yei thied bhah wa 7.73% (Equity Share Capital) ha Jio Platforms Limited (JPL) da ka Google International LLC (GIL) katkam ka kyndon Section 31(1) ka aiñ Competition Act, 2002.
Ka GIL toh ka chnat ka Google LLC, ka Company kawa na Delaware, USA kawa mantre daka Alphabet Inc. Ka GIL toh ka Holding Company wei ym em mantre lane pynkrehkaam ko ya kiwon kiwon ki kaam (products/services) kiwa ki yong ka Google.
Ka JPL toh ka chnat ka Reliance Industries Limited, kawa ksoh yei bhah wa heh dooh. Ka JPL deilang wa kiwi ki chnat yong ka toh kiwa em haka yaw wow dai yaki Digital Products /Services, Wireless, Home Broadband, Telecommunication Services, Mobile Applications wa kiwi kiwi de kam ki Software.
Ka Google ha u Naiynñiaw da pynbna ko wa daw pynlut ko T. 33,737 klur wow thied 7.73% i bhah haka Jio wei ini man ko kam chibynta i yaleh ka Google wow psiah chapoh ka ri India kawa em palat 500 million ngut kiwa pynemkaam Internet hapoh ka India.
