Jowai: U District Magistrate, West Jaiñtia Hills da pynmih hukum u hapoh ka Section 144 CrPC yow khang ye dai wa i thied yaki bomkala kiwa da wanrah na baar ri, i thang ya ki bomkala kiwa da kdoh lang (Series Crackers/Laris) kiwa ood, kiwa daw pyntaroi yaka la-ær kiwa daw ieh yei tngit chadien, da khang leh wow pynemkaam yaki bomkala kiwa ood palat 125dB(A1) lane 145dB (C) Pk 4 meter na iwa thang ya ki wei ym toh u thang yaki hapoh 100 Meter na ki Hospital, Nursing Homes, Primary wa District Health Care Centre, ki thaw puræ puthi, ki yung bichaar, ki thaw mane Blai wa kiwi ki thaw kiwa da pynbna kam ki Silent Zone da ki bor sorkar ha i por wa pynman Diwali.
U District Magistrate da pyntip u leh wa u chah wow thang bomkala du ha i por 8 waje i miet hadooh 10 waje i miet ka 14 tarik uni u bnai donhi.
U District Magistrate da ong u leh wa i dai yaki bomkala toh du lyngba kiwa da em License wei u ye u dai ya ki jait bomkala kiwa da chah da u Deputy Magistrate, West Jaiñtia Hills wei kiwa bood yaki kyndon ka Central Pollution Control Board.
Kani ka hukum u krehkaam ko chisyndon wei u neh ko hadooh wa kut ka Diwali.
