Ka Khasi Students Union Barato Unit ynnin ka sngi ka 12 tarik da lai yachem ko wa u Superintendent of Fisheries yong ka West Jaiñtia Hills District heiyatoh wa ka wah Mynriang kawa em hapoh ka Elaka Shiliangmyntang.
Neiliang u President ka Unit u H.E. Sten wa u Secretary u R. Shadap da pynsñiaw ki wa pyrchah wei khang ki yei pynyap ya ki dakha ki dohum wa im ha kani ka wah khamtam deiwa pynemkaam da ki Dynamite, i diang jar, bær bih wa kiwi tawon ki rukom pynyap ya ki dohum heiwa ka seiñ leh da paan yarap ko yow ye u pynman ko yaka Thwai Thlunar hadooh Tyrso kam ka Fish Sanctuary yow pynneh pynsah ya ki dohum deiwa khang wow khwe wow pynyap beiñ yaki dohum.
Da paan yarap leh na u Superintendent of Fisheries wow e yarap u da ki symbe dakha kamjooh u krehlang heiyatoh waw pynneh pynsah ya ki dohum dohwah ha kani ka wah mynriang.
U President ka seiñ da paan u leh yei ya krehlang yong waroh ki chnong kiwa haap hapoh kani ka thaaiñ wow ya krehlang ki yow ye u yada yaka wah Mynriang.
