Uwa chong chnong ka thaaiñ Namdong u wym kwah wow pynmih pyrtuid da khana u wa i wym biang ka Mobile Network wa Internet ha ka chnong Namdong, West Jaiñtia Hills da pyndiaw mynsien ko khamtam yaki khynnah wa lai puræ khamtam ha ini i por wa em ka Online Class heiwa la chitayaw wei hadooh kattæ ki Network ha kani ka thaaiñ ym biang ki.
I thut ka Mobile Network waka ka Internet ha kani ka thaaiñ da booh ko hei eh ya waroh kiwa pynemkaam yaka Jio waka AIRTEL kamjooh leh ya kiwa sikai kiwa emkaam katni wow e sikai daka Internet hadooh kiwa khayi pateiñ.
Kamtæ da kyrpaad ki yaka sorkar wa toh u phah ya kini ki Company waroh wow pynbiang yaki Network yow lait u chah ktah ki khynnah ha kam kini ki por wa dang phah khang yaki skur hawa yakhun yaka khlam.
