La 7 sngi khlem sangeh kiwa chait da tam ki ya kiwa dang yoh ya u COVID-19 ha India iwa da pynpoi ya kiwa da chait wow tam ki yaka 93% heiwa ha kini ki 24 kynta kiwa chait da em ki 47,992 ngut, kiwa dang yoh da em ki 44,684 ngut, kiwa yap em ki 520 ngut iwa mut wa kiwa dang em ya uni u khñiang da duna ki da 3,828 ngut katkam ka yukheiñ ka Ministry of Health & Family Welfare.
Kiwa boon dooh kiwa dang chait toh ha Delhi 6,498 ngut, Kerala 6,201 ngut, West Bengal 4,468 ngut, Maharashtra 4,543 ngut, Karnataka 3,443 ngut, Tamil Nadu 2,572 ngut, Chhattisgarh 2,370 ngut, Andhra Pradesh 2,178 ngut, Haryana 2,115 ngut wa ha Uttar Pradesh 2005 ngut.
Ha kini ki 24 kynta da em leh 20 tylli ki jylla wa boon da kiwa chait ya kiwa dang yoh ya uni u khñiang heiwa kiwa dooh wa tam da kiwa chait toh ha Karnataka 1,444 ngut, Chhattisgarh 840 ngut, Telangana 690 ngut, West Bengal 684 ngut, Tamil Nadu 647 ngut, Andhra Pradesh 595 ngut wa ha Maharashtra 538 ngut.
Waroh kiwa da chait hapoh ka ri da poi ki 93.05% iwa ku naka 92.98% kiwa em 8,16,35,72 ngut; kiwa dang em ya uni u khñiang da em ki 5.48% kiwa hiar naka 5.55% kiwa em 4,80,719 ngut; 1.47% kiwa yap kiwa em 1,29,188 ngut.
Kiwa chait da tam ki da 76,82,853 ngut ya kiwa dang em ya uni u khñiang iwa ku da 51,820 ngut nadooh ynnin ka sngi.
