Ka lehkmen Thang-Charak namo ka Diwali toh kawi na ki lehkmen kawa khroo bha ya ki bru wa ngait ya ka niam Hindu kawa klam hajrong i jop i che yei langoh, i bha wa jop yei sih.
Kani ka lehkmen katkam i ngait kiwa ngait niam Hindu da pynyatoh leh ya ka wa ka Blai Lakshmi namo ka Blai i spah wei khamtam wa uiñ u Ram cha ka Hima Ayodhya chirup wa ka kurim ka yong oo ka Sita wa u diah yong oo u Lakshman hadien wa jop ki ya ka thma pyrchah ya u Ravan ha Lanka.
Ha Jowai ya kani ka lehkmen ynne ka sngi hanlada man ko kawa khian hawa wyrchaw wa kiwi ki snem wa dadep da man won ko kawa lai bait lai ryntih.
Da sakhi wa ya kani ka lehkmen da leh ha jar jiar ki dukan dukdoh, wa ki yung ki sem heiwa ya ki yung da thang ya ki charak ki mombati wei da pynriam ya ki yung da ki syntu.
